കണ്ണൂര്‍: ഓടുന്ന ട്രെയിനില്‍ നിന്ന് യുവാവിനെ തള്ളിയിട്ടതായി പരാതി. സംഭവത്തില്‍ ഗുരുതര പരുക്കേറ്റ ഇരിക്കൂറിലെ മുബഷിറിനെ(19) പരിയാരം മെഡിക്കല്‍ കോളജില്‍ പ്രവേശിപ്പിച്ചു. ഇന്നലെ പുലര്‍ച്ചെ ഒന്നോടെയാണ് സംഭവം. ബേക്കറി ജോലിക്കാരനായ മുബഷിര്‍ ജോലിസ്ഥലമായ കോയമ്പത്തൂരിലേക്ക് പോകുന്നതിനിടെ കണ്ണൂരില്‍ നിന്ന് വെസ്റ്റ്‌കോസ്റ്റ് എക്‌സ്പ്രസില്‍ കയറിയതായിരുന്നു.
തിരക്കായതിനാല്‍ വാതിലിനടുത്തു നിന്നവരോട് മാറി നില്‍ക്കാന്‍ പറഞ്ഞപ്പോള്‍ തള്ളിയിടുകയായിരുന്നെന്നാണ് പരാതി. വാക്കേറ്റത്തിനു ശേഷമാണ് മുബഷിറിനെ ട്രെയിനില്‍ നിന്നു സംഘം തള്ളിയിട്ടത്. സംഘത്തിലുള്ളവര്‍ മദ്യപിച്ചതായി ഇയാള്‍ പൊലിസിനോട് പറഞ്ഞു. ട്രെയിന്‍ സ്‌റ്റേഷന്‍ വിട്ട ഉടനെയായിരുന്നു സംഭവം.