കല്‍പ്പറ്റ: വയനാട് മുസ്‌ലിം യതീംഖാനയുടെ ഉന്നത മത പഠന ഗവേഷണ സ്ഥാപനമായ ഇമാം ഗസ്സാലി അക്കാദമിയുടെ 17-ാം വാര്‍ഷിക ആറാം സനദ്ദാന സമ്മേളനം വെള്ളി, ശനി ദിവസങ്ങളില്‍ നടക്കും. അക്കാദമിയില്‍ പഠനം പൂര്‍ത്തിയാക്കിയ 28 പേര്‍ക്കാണ് ഈവര്‍ഷം ബിരുദം നല്‍കുന്നത്.
ഇന്ന് വൈകിട്ട് നാലിന് ആരംഭിക്കുന്ന ഉദ്ഘാടന സമ്മേളനം സയ്യിദ് ഹുസൈന്‍ ബാഫഖി തങ്ങള്‍ ഉദ്ഘാടനം ചെയ്യും. ഡബ്ല്യു.എം.ഒ പ്രസിഡന്റ് കെ.കെ അഹ്മദ് ഹാജി അധ്യക്ഷനാകും. സി മമ്മുട്ടി എം.എല്‍.എ മുഖ്യപ്രഭാഷണം നടത്തും. 'ഗസ്സാലി, ജീവിതവും ദര്‍ശനവും' എന്ന വിഷയത്തില്‍ റഹ്മത്തുല്ല ഖാസിമി ക്ലാസെടുക്കും.
ശനിയാഴ്ച രാവിലെ ഒന്‍പതിന് 'മതേതര ഇന്ത്യ; ചരിത്രവും വര്‍ത്തമാനവും' എന്ന വിഷയത്തില്‍ സിമ്പോസിയം നടക്കും. കെ.എം ഷാജി എം.എല്‍.എ ഉദ്ഘാടനം ചെയ്യും. ഓണമ്പള്ളി മുഹമ്മദ് ഫൈസി, കെ.ഇ.എന്‍ കുഞ്ഞഹമ്മദ്, ഒ.ആര്‍ കേളു എം.എല്‍.എ, ഐ.സി ബാലകൃഷ്ണന്‍ എം.എല്‍.എ, റാഷിദ് ഗസ്സാലി കൂളിവയല്‍, സി.പി സൈതലവി, സി ദാവൂദ് എന്നിവര്‍ സംസാരിക്കും. വൈകിട്ട് നാലിന് നടക്കുന്ന പൊതുസമ്മേളനം സയ്യിദ് സ്വാദിഖ് അലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത കേരളജംഇയ്യത്തുല്‍ ഉലമാ സെക്രട്ടറി പ്രൊ. കെ ആലിക്കുട്ടി മുസ്‌ലിയാര്‍ സനദ് ദാന പ്രഭാഷണം നടത്തും. ഡബ്ല്യു.എം.ഒ ജനറല്‍ സെക്രട്ടറി ഗോള്‍ഡന്‍ ജൂബിലി സന്ദേശ പ്രഭാഷണവും ഹകീം ഫൈസി മുഖ്യപ്രഭാഷണവും ഷൗക്കത്തലി വെള്ളമുണ്ട പ്രമേയ പ്രഭാഷണവും നിര്‍വഹിക്കും. വാര്‍ത്താസമ്മേളനത്തില്‍ പ്രിന്‍സിപ്പല്‍ ഉസ്മാന്‍ ഫൈസി, അഹ്മദ് മാസ്റ്റര്‍, നൗഷാദ് ഗസ്സാലി, ഷഫീഖ് ഗസ്സാലി എന്നിവര്‍ പങ്കെടുത്തു.