കൊച്ചി: മനുഷ്യ ജീവിതത്തില്‍ വ്യത്യസ്ഥ തലങ്ങളെയും അവസ്ഥയെയും നിറങ്ങളില്‍ ചാലിച്ച് ജയ അന്നയുടെ ചിത്രപ്രദര്‍ശനം ലയേഴ്‌സ് നാളെ ആരംഭിക്കും. കൊച്ചി താജ് ഗേറ്റ് വേയില്‍ മൂന്ന് ദിവസങ്ങളിലായി നടക്കുന്ന പ്രദര്‍ശനത്തില്‍ ആക്രിലിക്, വാട്ടര്‍ കളര്‍, ഓയില്‍ എന്നിവയിലുള്ള 30 ചിത്രങ്ങളാണുള്ളത്.
നാളെ രാവിലെ 11 മണിക്ക് ചിത്രകാരന്‍ ടി. കലാധരന്‍ പ്രദര്‍ശനം ഉദ്ഘാടനം ചെയ്യുമെന്ന് അന്ന ജയ വാര്‍ത്താ സമ്മേളനത്തില്‍ പറഞ്ഞു.
ഇതോടൊപ്പം തന്നെ കാഴ്ച്ചക്കാര്‍ക്കായി സൂലാ വൈനുകളുടെ രുചിവൈവിധ്യം അസ്വദിക്കാനുള്ള അവസരം ഒരുക്കിയിട്ടുണ്ട്. സൂലാ വൈന്‍ യാര്‍ഡ്‌സിന്റെ പ്രതിനിധികളായ സാന്ദ്ര സൂരജ്, എന്‍.കെ. രാഹുല്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.