ദുബൈ: സമുദായത്തിന്റെ വൈജ്ഞാനിക പുരോഗതിക്ക് യത്‌നിച്ച ആദര്‍ശശാലിയായിരുന്നു കോട്ടുമല ബാപ്പു മുസ്‌ലിയാരെന്ന് ഇന്ത്യന്‍ യൂനിയന്‍ മുസ്‌ലിം ലീഗ് പ്രസിഡന്റ് ഇ അഹമ്മദ് എം.പി അനുസ്മരിച്ചു.
ദുബൈ കെ.എം.സി.സി, ദുബൈ സുന്നി സെന്റര്‍, കടമേരി റഹ്മാനിയ്യ യു.എ.ഇ സംയുക്തമായി സംഘടിപ്പിച്ച ബാപ്പു മുസ്‌ലിയാര്‍ അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം.
ദുബൈ സുന്നി സെന്റര്‍ പ്രസിഡന്റ് സയ്യിദ് ഹാമിദ് കോയമ്മ തങ്ങള്‍ അധ്യക്ഷനായി. ദുബൈ കെ.എം.സി.സി പ്രസിഡന്റ് പി.കെ അന്‍വര്‍ നഹ, അബ്ദുസ്സലാം ബാഖവി, ഷൗക്കത്തലി ഹുദവി, അബ്ദുല്‍ ഖാദര്‍ അരിപ്പാമ്പ്ര, ഇസ്മയില്‍ ഏറാമല, മിഥ്‌ലാജ് റഹ്മാനി, വാജിദ് റഹ്മാനി, ഇബ്രാഹീം ഫൈസി പെരുമാളാബാദ് സംസാരിച്ചു. പി.കെ കരീം സ്വാഗതവും അബ്ദുല്ല റഹ്മാനി നന്ദിയും പറഞ്ഞു. പ്രമുഖ പണ്ഡിതരുടെ നേതൃത്വത്തില്‍ ദിക്ര്‍ ദുആ മജ്‌ലിസും നടന്നു.