ന്യൂഡല്‍ഹി: അവധി തര്‍ക്കത്തെ തുടര്‍ന്ന് ജവാന്മാരെ വെടിവച്ചു കൊന്ന സി.ഐ.എസ്.എഫ് ഭടന്‍ മാനസികരോഗിയായിരുന്നുവെന്ന് കുടുംബവും അയല്‍വാസികളും. ബിഹാറിലെ ഔറംഗാബാദിലെ വ്യാവസായിക സ്ഥാപനത്തില്‍ ഹവില്‍ദാറായി നിയമിതനായിരുന്ന ബല്‍ബീര്‍ സിങ്ങാണ് കഴിഞ്ഞ ദിവസം സഹപ്രവര്‍ത്തകരെ വെടിവച്ചത്.
ബല്‍ബീര്‍ മാനസികരോഗിയാണെന്നു പറഞ്ഞ കുടുംബവും അയല്‍വാസികളും അധികൃതര്‍ക്ക് അദ്ദേഹത്തിന്റെ മെഡിക്കല്‍ സര്‍ട്ടിഫിക്കറ്റ് നല്‍കിയിട്ടുണ്ട്.
എന്നാല്‍ ഇത് അധികൃതര്‍ പരിഗണിക്കുന്നില്ലെന്ന് ഇവര്‍ ആരോപിച്ചു.
30കാരനായ ബല്‍ബീര്‍ കഴിഞ്ഞ അഞ്ചുവര്‍ഷമായി മാനസികരോഗത്തിന് ചികിത്സയിലാണെന്നും ഡല്‍ഹിയിലെ ആശുപത്രിയില്‍ ഇതിനായി നിരവധി തവണ ചികിത്സ നടത്തിയിട്ടുണ്ടെന്നും കുടുംബം വാദിച്ചു. വാര്‍ത്തയറിഞ്ഞ് ബല്‍ബീറിന്റെ റോപൂര്‍ ഗ്രാമക്കാര്‍ ഞെട്ടലിലാണ്.