മുണ്ടക്കുളം: സമസ്ത കേരള ജംഇയ്യതുല്‍ ഉലമയുടെ പ്രവര്‍ത്തന രംഗത്ത് ജ്വലിച്ചുനിന്ന നേതാവായിരുന്നു കോട്ടുമല ബാപ്പുമുസ്ലിയാര്‍ എന്ന് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ പറഞ്ഞു. ശംസുല്‍ ഉലമാ ഇസ്‌ലാമിക് കോംപ്ലക്‌സില്‍നടന്ന ശംസുല്‍ ഉലമായുടെ 21-ാം ആണ്ട് നേര്‍ച്ചയുടെ പണ്ഡിത സംഗമത്തില്‍ സംസാരിക്കുകയായിരുന്നു തങ്ങള്‍.
രാവിവെ ഒന്‍പതിന് നടന്ന ഖത്മുല്‍ ഖുര്‍ആന്‍ സദസ്സിന് സഅദ് മദനി നേതൃത്വം നല്‍കി. പത്തിന് നടന്ന തന്‍ഷീത് സംഗമം സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. ഉച്ചക്ക് ഒന്നിന് നടന്ന പണ്ഡിത സംഗമത്തില്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ക്ലാസെടുത്തു, വൈകിട്ട് നടന്ന ശംസുല്‍ ഉലമാ, ബാപ്പുമുസ്‌ലിയാര്‍ അനുസ്മരണ സമ്മോളനം സയ്യിദ് ഫഖ്‌റുദ്ദീന്‍ തങ്ങള്‍ ഉദ്ഘാടനം ചെയ്തു.
സത്താര്‍ പന്തല്ലൂര്‍ പ്രഭാഷണം നടത്തി, ദിക്‌റ് ദുആ സദസിന് മാനുതങ്ങള്‍ വെള്ളൂര്‍ നേതൃത്വം നല്‍കി.
റഷീദലി തങ്ങള്‍ പാണക്കാട്, അഹമ്മദ് കുട്ടി ഫൈസി മൈത്ര, ടി.വി ഇബ്രാഹീം എം.എല്‍.എ, കെ മുഹമ്മദുണ്ണി ഹാജി, പി.എ ജബ്ബാര്‍ ഹാജി, മജീദ് ദാരിമി വളരാട്, നാസിറുദ്ദീന്‍ ദാരിമി, കരീം ദാരിമി ഓമാനൂര്‍ പങ്കെടുത്തു.