റിയാദ്: വിമത വിഭാഗവുമായി രൂക്ഷമായ സംഘട്ടനം നടക്കുന്ന യമനില്‍ അമേരിക്കന്‍ സൈന്യം നടത്തിയ വ്യോമാക്രമണത്തില്‍ മുതിര്‍ന്ന അല്‍ഖായിദ നേതാവ് കൊല്ലപ്പെട്ടു. അറേബ്യന്‍ പെനിസുലയിലെ തലമുതിര്‍ന്ന നേതാവാണ് കൊല്ലപ്പെട്ടതെന്ന് പെന്റഗണ്‍ പുറത്തിറക്കിയ പ്രസ്താവനയില്‍ വ്യക്തമാക്കി.

യമനിലെ ബൈദാന്‍ ഗവര്‍ണറേറ്റിന് കീഴിലെ പ്രാന്തപ്രദേശത്തു നടത്തിയ ആക്രമണത്തിലാണ് അല്‍ഖായിദ അറേബ്യന്‍ പെനിസുല (അഖ്വാപ്) സീനിയര്‍ ലീഡര്‍ കമ്മാണ്ടര്‍ അബ്ദുല്‍ ഗനി അല്‍ റസാസ് കൊല്ലപ്പെട്ടതെന്ന് പെന്റഗണ്‍ പ്രസ് സെക്രട്ടറി പീറ്റര്‍ കുക്ക് പ്രസ്താവനയില്‍ പറഞ്ഞു.