പൂമാല:  പുതുമയുള്ള പ്രവര്‍ത്തനങ്ങളുമായി പൂമാല ഗവണ്‍മെന്റ് ട്രൈബല്‍ സ്‌കൂള്‍ എന്‍.എസ്.എസ് യൂണിറ്റ് മാതൃകയാകുന്നു. സാമൂഹിക ഇടപെടലിലൂടെ കുട്ടികളുടെ വ്യക്തിത്വ വികസനം ഉറപ്പാക്കാന്‍ ലക്ഷ്യമിട്ട പ്രവര്‍ത്തനങ്ങളാണ് സംഘടിപ്പിക്കുന്നത്.
'വിഷരഹിത ഭക്ഷണം സുരക്ഷിത ഭക്ഷണം' എന്ന മുദ്രാവാക്യവുമായി വെള്ളിയാമറ്റം ഗ്രാമപഞ്ചായത്തിലെ മുന്നോറോളം വീടുകളില്‍ വിഷരഹിത പച്ചക്കറികള്‍ കൃഷിചെയ്യേണ്ടതിന്റെ  പ്രാധാന്യം വിശദമാക്കി പച്ചക്കറി വിത്തുകള്‍  നട്ടുകൊടുക്കുകയും വിതരണം ചെയ്യുകയും ചെയ്തു.
 ജീവിത ശൈലി രോഗങ്ങളെക്കുറിച്ചുള്ള ബോധവല്‍ക്കരണ ക്ലാസുകള്‍ ഇളംദേശം ഹെല്‍ത്ത് സെന്ററിന്റെ സഹകരണത്തോടെ പഞ്ചായത്തിന്റെ വിവിധ കേന്ദ്രങ്ങളില്‍ 'ആരോഗ്യ സദസ്' എന്ന പേരില്‍ നടത്തി.  
കൂട്ടുകാരിക്കൊരു കുഞ്ഞുവീട് എന്ന പേരില്‍ സ്‌കൂളിലെ പ്ലസ് വണ്‍ വിദ്യാര്‍ഥിനിയായ അജു .പി .ശശിന്ദ്രന്റെ വീട് നിര്‍മാണം പൂര്‍ത്തീകരിക്കാനുള്ള പ്രവര്‍ത്തനവും യൂണിറ്റിന്റെ നേതൃത്വത്തില്‍ ആരംഭിച്ചു.
സ്‌കൂളിലെ എന്‍.എസ്.എസ് പ്രവര്‍ത്തനങ്ങള്‍ക്ക് പ്രോഗ്രാം കോ-ഓര്‍ഡിനേറ്റര്‍ ടി .എന്‍ ബിജു, പ്രിന്‍സിപ്പല്‍ ജോയി വര്‍ഗീസ്, ഹെഡ്മിസ്ട്രസ് വി .ഗീത, പി.ടി.എ പ്രസിഡന്റ് പി.ജി സുധാകരന്‍ എന്നിവരാണ് നേതൃത്വം നല്‍കുന്നത്.