മണ്ണാര്‍ക്കാട്:  പാലക്കാട്-കോഴിക്കോട് ദേശീയപാതയോരത്ത് തച്ചമ്പാറയില്‍ പ്രവര്‍ത്തിക്കുന്ന ബീവറേജസ് കോര്‍പ്പറേഷന്റെ ഔട്ട്‌ലറ്റ് കാഞ്ഞിരപ്പുഴയിലേക്ക് മാറ്റാനുള്ള ശ്രമത്തിനെതിരെ പ്രതിഷേധം തുടരുന്നു. ഇന്നലെ രാവിലെ പ്രതിഷേധവുമായി എത്തിയ ഒരുസംഘം ഔട്ട്‌ലെറ്റ് തുടങ്ങുവാന്‍ തീരുമാനിച്ചിരുന്ന  കെട്ടിടം  അടിച്ചുതകര്‍ത്തു. ആര്‍ട്‌സ് കാഞ്ഞിരപ്പുഴ ചിറയ്ക്കല്‍പ്പടി റോഡ് ഉപരോധിച്ചു.
ഇന്നലെ രാവിലെ  11 മണിയോടെയാണ് സംഭവം. കോടതി വിധിയെ തുടര്‍ന്ന് ഔട്ട്‌ലെറ്റ് കാഞ്ഞിരപ്പുഴ ഉദ്യാനത്തോട് ചേര്‍ന്നുള്ള കെട്ടിടത്തില്‍ തുടങ്ങുന്നതിനുള്ള നടപടികള്‍ നടന്നുകൊണ്ടിരിക്കുകയായിരുന്നു. ഇത് അറിഞ്ഞ നാട്ടുകാര്‍ രാഷ്ട്രീയ പ്രവര്‍ത്തകരും മറ്റും പ്രതിഷേധവുമായി രംഗത്തെത്തുകയായിരുന്നു. ഇന്നലെ രാവിലെ മുതല്‍ സ്ഥലത്ത് പ്രതിഷേധക്കാര്‍ നിറഞ്ഞിരുന്നു.