ഹൂസ്റ്റണ്‍: കോണ്‍സുലേറ്റ് ജനറല്‍ ഓഫ് ഇന്ത്യ ഹൂസ്റ്റണ്‍ ഇന്ത്യാ ഹൗസുമായി സഹകരിച്ച് ഏകദിന കോണ്‍സുലാര്‍ ക്യാമ്പ് സംഘടിപ്പിക്കുന്നു.
ജനുവരി 28ന് രാവിലെ 10 മുതല്‍ വൈകിട്ട് നാലുവരെ ആണ് ക്യാംപ്.
8888 വെസ്റ്റ് ബെല്‍ഫോര്‍ട്ട് എ.വി, ഹൂസ്റ്റണ്‍ 77031 ല്‍ നടക്കുന്ന ക്യാംപില്‍ ഒ.സി.ഐ വിസ, റിണന്‍സിയേഷന്‍ സര്‍ട്ടിഫിക്കറ്റ് എന്നിവയ്ക്കുള്ള അപേക്ഷകള്‍, ആവശ്യമായ രേകഖള്‍ സഹിതം സമര്‍പ്പിക്കുന്നതിനും പരിശോധിച്ചു അര്‍ഹരായ അപേക്ഷകള്‍ സി.കെ.ജി.എസിന് അയക്കുന്നതിനുള്ള ക്രമീകരണങ്ങളാണ് ഒരുക്കിയിരിക്കുന്നത്.
ഇന്ത്യന്‍ പാസ്‌പോര്‍ട്ടിനുള്ള പുതിയതും പുതുക്കുന്നതിനുമുള്ള അപേക്ഷകള്‍ കോണ്‍സുലര്‍ സമര്‍പ്പിക്കുന്നത് കാലതാമസം ഒഴിവാക്കുന്നതിന് ക്യാംപ് ഉപകരിക്കുമെന്ന് അധികൃതര്‍ അറിയിച്ചു.