തിരുവനന്തപുരം:മഹാത്മാഗാന്ധിയുടെ ഘാതകനായ നാഥുറാം ഗോഡ്‌സെയുടെ ആശയങ്ങളില്‍ നിന്നും ആവേശമുള്‍ക്കൊള്ളുന്ന ബി.ജെ.പി നേതാക്കള്‍ ഇപ്പോള്‍ ഗാന്ധിയന്‍ മൂല്യങ്ങളുടെയും ഘാതകരാകാനാണ് ശ്രമിച്ചുവരുന്നതെന്ന് കെ.പി.സി.സി അധ്യക്ഷന്‍ വി.എം സുധീരന്‍.
നോട്ട് പിന്‍വലിക്കല്‍ ഉള്‍പ്പടെയുള്ള ജനദ്രോഹ നടപടികള്‍ക്കെതിരേ ജനമനസുകളില്‍ ഉയര്‍ന്നുവന്ന രോഷത്തില്‍ നിന്ന് ശ്രദ്ധ തിരിക്കാന്‍ ബി.ജെ.പി നടത്തുന്ന വിഫലമായ ശ്രമങ്ങളുടെ ഭാഗമാണിത്. എത്രമാത്രം ഗാന്ധിജിയെയും ഗാന്ധിയന്‍ ആദര്‍ശങ്ങളെയും തമസ്‌കരിക്കാന്‍ മോദി ഭരണകൂടം ശ്രമിച്ചാലും പൂര്‍വാധികം ശക്തിയോടെ ഗാന്ധിയും അദ്ദേഹത്തിന്റെ ദര്‍ശനവും ജനഹൃദയങ്ങളില്‍ നിറഞ്ഞു നില്‍ക്കുമെന്നും സുധീരന്‍ പറഞ്ഞു.