ബംഗളൂരു: വിമാനത്താവളത്തിലെ സുരക്ഷയ്ക്കായി നിയോഗിച്ച സി.ഐ.എസ്.എഫ് ജവാന്‍ സ്വയം വെടിവച്ചു മരിച്ചു. ബംഗളൂരു കെംപഗൗഡ അന്താരാഷ്ട്ര വിമാനത്താവളത്തിലെ സുരക്ഷാ ജീവനക്കാരനായ സുരേഷ് ഗെയ്ക് വാദ്(30)ആണ് തന്റെ സര്‍വീസ് റിവോള്‍വര്‍ ഉപയോഗിച്ച് സ്വയം വെടിവച്ചു മരിച്ചത്. ഇന്നലെ രാവിലെ ഏഴിനായിരുന്നു സംഭവമെന്ന് സി.ഐ.എസ്.എഫ് അറിയിച്ചു.ജീവിതത്തില്‍ ഒട്ടേറെ പ്രയാസങ്ങള്‍ അനുഭവിക്കുന്ന ആളായിരുന്നു ഇയാളെന്ന് പൊലിസ് ഡെപ്യൂട്ടി കമ്മിഷനര്‍ പി. ഹര്‍ഷ അറിയിച്ചു. ഏതാനും ദിവസങ്ങള്‍ക്ക് മുന്‍പ് ഇദ്ദേഹത്തിന്റെ ഭാര്യയുമായുള്ള ബന്ധം വേര്‍പ്പെടുത്തിയിരുന്നു. ഇതില്‍ മനംനൊന്താണ് മരിച്ചതെന്ന് പൊലിസ് അറിയിച്ചു.