കല്‍പ്പറ്റ: സമസ്ത ജില്ലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന ശംസുല്‍ ഉലമാ 21-ാമത് ഉറൂസ് മുബാറകും ശൈഖ് ജീലാനി, കണ്ണിയത്ത് അഹ്മദ് മുസ്‌ലിയാര്‍, കുമരംപുത്തൂര്‍ എ.പി മുഹമ്മദ് മുസ്‌ലിയാര്‍, കോട്ടുമല ടി.എം ബാപ്പു മുസ്‌ലിയാര്‍ അനുസ്മരണ പ്രാര്‍ഥനാ സമ്മേളനവും സമസ്ത ജില്ലാ കാര്യാലയത്തില്‍ പ്രത്യേകം സജ്ജമാക്കിയ നഗരിയില്‍ ഇന്ന് രാവിലെ 10ന് ആരംഭിക്കും.
സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ ജോ.സെക്രട്ടറി കൊയ്യോട് പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാകും. എസ്.വൈ.എസ് സ്റ്റേറ്റ് സെക്രട്ടറി അബ്ദുസമദ് പൂക്കോട്ടൂര്‍ അനുസ്മരണ പ്രഭാഷണം നടത്തും. പാണക്കാട് ശഹീറലി ശിഹാബ് തങ്ങള്‍ പ്രാര്‍ഥനക്ക് നേതൃത്വം നല്‍കും. കേന്ദ്ര മുശാവറ അംഗം വി മൂസക്കോയ മുസ്‌ലിയാര്‍, ജംഇയ്യത്തുല്‍ മുഅല്ലിമീന്‍ സ്‌റ്റേറ്റ് സെക്രട്ടറി കൊടക് അബ്ദുറഹ്മാന്‍ മുസ്‌ലിയാര്‍, എസ്.വൈ.എസ് സ്‌റ്റേറ്റ് വര്‍ക്കിങ് സെക്രട്ടറി പിണങ്ങോട് അബൂബക്കര്‍, പാലത്തായി മൊയ്തു ഹാജി, ആനമങ്ങാട് അബൂബക്കര്‍ മുസ്‌ലിയാര്‍, എം.എം ഇമ്പിച്ചിക്കോയ മുസ്‌ലിയാര്‍, ടി.സി അലി മുസ്‌ലിയാര്‍, എസ് മുഹമ്മദ് ദാരിമി, കെ.സി മമ്മൂട്ടി മുസ്‌ലിയാര്‍, ഇബ്‌റാഹീം ഫൈസി പേരാല്‍, ശൗകത്തലി വെള്ളമുണ്ട, ഇബ്‌റാഹീം മാസ്റ്റര്‍ തുടങ്ങി സമസ്തയുടെയും പോഷക ഘടകങ്ങളുടെയും നേതാക്കള്‍ സംബന്ധിക്കും.
ഇത് സംബന്ധിച്ച് ചേര്‍ന്ന സംഘാടക സമിതിയുടെ എക്‌സിക്യുട്ടീവ് യോഗം കെ.ടി ഹംസ മുസ്‌ലിയാര്‍ ഉദ്ഘാടനം ചെയ്തു. ചെയര്‍മാന്‍ എസ് മുഹമ്മദ് ദാരിമി അധ്യക്ഷനായി.
പി.സി ഇബ്‌റാഹീം ഹാജി, കാഞ്ഞായി ഉസ്മാന്‍, കെ.വി ജഅ്ഫര്‍ ഹൈതമി, ശൗകത്തലി വെള്ളമുണ്ട, അയ്യൂബ് മുട്ടില്‍, കെ.സി നവാസ് മൗലവി സംബന്ധിച്ചു. കണ്‍വീനര്‍ ഹാരിസ് ബാഖവി സ്വാഗതം പറഞ്ഞു.