തലശ്ശേരി: ഇല്ലത്ത്താഴെയില്‍ സി.പി.എം പ്രതിഷേധ പ്രകടനത്തിന് നേരെ ബോംബേറ്. വട്ടക്കുനിയില്‍ അക്ഷയ്(24), കാട്ടില്‍ പറമ്പത്ത് അര്‍ജുന്‍(21) എന്നിവരെ തലശ്ശേരി സഹകരണ ആശുപത്രിയില്‍ പ്രവേശിപ്പിച്ചു. ഇന്നലെ രാത്രി എട്ടോടെയാണ് സംഭവം.
തലായിയില്‍ സി.പി.എം പ്രവര്‍ത്തകര്‍ക്ക് നേരെ കഴിഞ്ഞ ദിവസം നടന്ന മര്‍ദനത്തില്‍ പ്രതിഷേധിച്ച് നടത്തിയ പ്രകടനം ഇല്ലത്ത്താഴെ മണോളിക്കാവിന് സമീപമെത്തിയപ്പോഴാണ് ബോംബേറെന്ന് സി.പി.എം ആരോപിച്ചു. സംഭവത്തില്‍ പ്രതിഷേധിച്ച് സി.പി.എം പ്രവര്‍ത്തകര്‍ ഇല്ലത്ത്താഴെയില്‍ റോഡ് ഉപരോധിച്ചു. സി.ഐ പ്രദീപന്‍ കണ്ണിപ്പൊയിലിന്റെ നേതൃത്വത്തില്‍ സ്ഥലത്തെത്തിയ പൊലിസ് പ്രതിഷേധക്കാരെ മാറ്റുകയായിരുന്നു.