റിയാദ്: സഊദി ചരിത്രത്തിലെ സുവര്‍ണ വര്‍ഷമാണു പോയ വര്‍ഷം. ഭരണ-സാമൂഹിക രംഗങ്ങളില്‍ നിരവധി ചരിത്രപരമായ മാറ്റങ്ങള്‍ക്കും തിരുത്തലുകള്‍ക്കുമാണ് 2017 സാക്ഷ്യംവഹിച്ചത്. ഇത്തരം തീരുമാനകള്‍ക്കു ചുക്കാന്‍ പിടിച്ചത് കിരീടാവകാശിയായ മുഹമ്മദ് ബിന്‍ സല്‍മാനുമായിരുന്നു. സ്ത്രീകള്‍ക്ക് ഡ്രൈവിങ് അനുമതി നല്‍കിയത് ലോകതലത്തില്‍ തന്നെ ഏറെ ശ്രദ്ധ പിടിച്ചുപറ്റിയിരുന്നു. രാജപാരമ്പര്യം മാറ്റിക്കുറിച്ച് ഭരണാധികാരി സല്‍മാന്‍ രാജാവിന്റെ ഇഷ്ടപുത്രന്‍ മുഹമ്മദ് ബിന്‍ സല്‍മാനെ കിരീടാവകാശിയായി അവരോധിച്ചത്, അഴിമതിയുടെ പേരില്‍ മന്ത്രിമാരും മുന്‍ മന്ത്രിമാരും രാജകുടുംബങ്ങത്തിലെ ഉന്നതരും അടക്കം നിരവധി പ്രമുഖരെ അറസ്റ്റ് ചെയ്തത് എന്നിവ ലോകത്തെ ഞെട്ടിച്ചുകളഞ്ഞു.