പാറ്റ്‌ന: മുന്‍ ബിഹാര്‍ മുഖ്യമന്ത്രി ജിതന്‍ റാം മാഞ്ചിക്കു നേരെ ആക്രമണം. അക്രമികള്‍ മാഞ്ചിയുടെ പൈലറ്റ് വാഹനം അഗ്നിക്കിരയാക്കി. കഴിഞ്ഞ ദിവസം കൊല്ലപ്പെട്ട എല്‍.ജെ.പി നേതാവ് സുദേശ് പാസ്വാന്റെ കുടുംബത്തെ സന്ദര്‍ശിക്കാനായി പോകുന്നതിനിടെ ഗയ ജില്ലയിലെ ഡുമരിയയില്‍ വച്ചാണ് ആക്രമണം ഉണ്ടായത്. കഴിഞ്ഞ ബുധനാഴ്ചയാണ് സുദേശ് പാസ്വാനും അദ്ദേഹത്തിന്റെ സഹോദര പുത്രന്‍ സുനില്‍ പാസ്വാനും കൊല്ലപ്പെട്ടത്. നക്‌സലുകളാണ് കൊലപാതകത്തിനു പിന്നിലെന്നാണ് സംശയിക്കുന്നത്. കൊലപാതകത്തില്‍ പ്രതിഷേധിച്ച് ഗയ ജില്ലയില്‍ സമരം നടക്കുന്നതിനിടെയാണ് മാഞ്ചിയുടെ വാഹനത്തിനു നേരെ ആക്രമണമുണ്ടായത്. സംഭവത്തില്‍ എല്‍.ജെ.പി അധ്യക്ഷന്‍ രാം വിലാസ് പാസ്വാന്‍ കടുത്ത അമര്‍ഷം രേഖപ്പെടുത്തി.