ചങ്ങരംകുളം: നന്നംമുക്ക് പഞ്ചായത്തില്‍ ലക്ഷങ്ങള്‍ ചിലവാക്കി വിവിധയിടങ്ങളില്‍ സ്ഥാപിച്ചിട്ടുളള സോളാര്‍ വിളക്കുകള്‍ പ്രകാശിക്കുന്നില്ല. സാധാരണ രീതിയില്‍ ഇത്തരം സോളാര്‍ വിളക്കുകള്‍ പകല്‍ സമയങ്ങളില്‍ സൂര്യ പ്രകാശത്തില്‍ വിളക്കിന് അടുത്തായി സ്ഥാപിച്ചിട്ടുളള ബാറ്ററിയിലേക്ക് ചാര്‍ജ്ജ് കയറുകയും രാത്രിയില്‍ തനിയെ പ്രകാശിക്കുകയുമാണ് ചെയ്യുക.
എന്നാല്‍ നന്നംമുക്ക് പഞ്ചായത്തിലെ സോളാര്‍ വിളക്കുകള്‍ രാത്രിയായാലും പ്രകാശിക്കാതെ ചാര്‍ജ്ജിങ്ങിലാണ് എന്നാണ് കാണിക്കുന്നത് . കൊട്ടി ഘോഷിച്ച് ലക്ഷങ്ങള്‍ ചിലവഴിച്ച് സ്ഥാപിച്ച ഇത്തരം തെരുവു വിളക്കുകള്‍ പ്രവര്‍ത്തനമാരംഭിച്ച് മാസങ്ങള്‍ പിന്നിടുമ്പോഴേക്കും പ്രവര്‍ത്തന രഹിതമായതില്‍ അഴിമതിയുണ്ടെന്നും വിളക്കുകള്‍ പ്രകാശിക്കാതെ മാസങ്ങളായിട്ടും അതികൃതര്‍ നടപടിയെടുക്കുന്നില്ലെന്നും പ്രദേശവാസികള്‍ ആരോപിച്ചു.