തിരുവമ്പാടി: ഹരിതകേരളം മിഷന്റെ ഭാഗമായി തിരുവമ്പാടി പഞ്ചായത്ത് കൃഷിഭവന്റെ നേതൃത്വത്തില്‍ കൊയ്ത്തുത്സവം നടത്തി. ഇരുപത് വര്‍ഷത്തിലധികം കൃഷിയില്ലാതിരുന്ന താഴെ തിരുവമ്പാടി അഡ്വ. പയ്യടി സുരേഷ്ബാബുവിന്റെ പാടത്താണ് തരിശുകൃഷി പദ്ധതിയുടെ ഭാഗമായി നെല്‍കൃഷിയിറക്കിയത്.
പഞ്ചായത്തിന്റെ ജനകീയാസൂത്രണ പദ്ധതി, ജില്ലാ പഞ്ചായത്ത് ഫണ്ട്, കൃഷി വകുപ്പിന്റെ തരിശുരഹിത പദ്ധതി എന്നിവ സംയോജിപ്പിച്ചാണ് പദ്ധതി നടപ്പാക്കിയത്. കൊയ്ത്തുത്സവം ജോര്‍ജ് എം. തോമസ് എം.എല്‍.എ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് പി.ടി. അഗസ്റ്റിന്‍ അധ്യക്ഷനായി. പി.രാജശ്രീ, കെ.ആര്‍ ഗോപാലന്‍, സ്മിത ബാബു, മുന്‍ പഞ്ചായത്ത് പ്രസിഡന്റ് ജോളി ജോസഫ്, സഹ. ബാങ്ക് പ്രസിഡന്റ് കെ.എം മുഹമ്മദാലി, വി.കെ പീതാംബരന്‍, കെ.കെ ദിവാകരന്‍, എന്‍.കെ സുമേഷ്, കൃഷി അസിസ്റ്റന്റ് ഇ.കെ അബ്ദുല്‍ഖാദര്‍ സംസാരിച്ചു.