ചൊക്ലി:ചൊക്ലി പൊലിസ് സ്റ്റേഷനില്‍ ജനമൈത്രി സുരക്ഷാ സംവിധാനം ഒരുങ്ങുന്നു. ഇതിന്റെ പ്രാരംഭഘട്ടമെന്ന നിലയില്‍ ചൊക്ലി പൊലിസ് സ്റ്റേഷനില്‍ ജനമൈത്രി സുരക്ഷാസമിതി രൂപീകരണ യോഗം നടത്തി. ചൊക്ലി പ്രിന്‍സിപ്പല്‍ എസ്.ഐ ഫായിസ് അലി അധ്യക്ഷനായി. പാനൂര്‍ ജനമൈത്രി പോലിസ് ഓഫിസര്‍ ശ്രീനിവാസന്‍ പദ്ധതി വിശദീകരണം നടത്തി.
പാനൂര്‍ നഗരസഭാ ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാന്‍ ഇ.എ.നാസര്‍, വി.എ മുകുന്ദന്‍, പി.കെ രാജന്‍, ഉമൈസ തിരുവമ്പാടി, കെ.കെ രവീന്ദ്രന്‍, പി ബിജോയ്, ഷാനിദ് മേക്കുന്ന്, പി ഭാസ്‌കരന്‍, പി.കെ മോഹനന്‍, അസ്‌ലം മെഡിനോവ, പി.കെ പത്മനാഭന്‍, പട്ടേരി കുഞ്ഞികൃഷ്ണന്‍ അടിയോടി, ചൊക്ലി എസ്.ഐ പി പ്രേംദാസ്, മനോജ് സംസാരിച്ചു.