മംഗളൂരു : തെന്നിന്ത്യയിലെ അത്യുന്നത മതകലാലയം പട്ടിക്കാട് ജാമിഅ നൂരിയ്യ അറബിക് കോളജിന്റെ അമ്പത്തിയഞ്ചാം വാര്‍ഷിക അമ്പത്തിമൂന്നാം സനദ് ദാന മഹാസമ്മേളനത്തിന്റെ ഭാഗമായി ജാമിഅ ദക്ഷിണ കന്നഡ ജില്ലാ സ്റ്റുഡന്റ്‌സ് ഫോറം സംഘടിപ്പിക്കുന്ന പ്രചരണ സമ്മേളനം ഈ മാസം ഏഴിന് മംഗലാപുരം പാണമംഗളൂരില്‍ (ആലട്ക്ക) നടക്കും. പ്രചരണ സമ്മേളനം സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ജാമിഅ പ്രൊഫസര്‍ സുലൈമാന്‍ ഫൈസി ചുങ്കത്തറ സന്ദേശ പ്രഭാഷണം നടത്തും. ഷമീര്‍ ദാരിമി കൊല്ലം മുഖ്യപ്രഭാഷണം നടത്തും. സമസ്ത വൈസ് പ്രസിഡന്റ് മിത്തബൈ ഉസ്താദ്, മംഗലാപുരം ഖാസി ത്വാഖ അഹ്മദ് മുസ്‌ലിയാര്‍ സംബന്ധിക്കും.
പ്രചാരണ സമ്മേളനത്തിന്റെ പോസ്റ്റര്‍ സമസ്ത സെക്രട്ടറി ശൈഖുല്‍ ജാമിഅ ആലിക്കുട്ടി മുസ്‌ലിയാര്‍ ജാമിഅ സെക്രട്ടറി കുഞ്ഞാണി മുസ്ലിയാര്‍ക്ക് കൈമാറി പ്രകാശനം ചെയ്തു. ജാമിഅ ഉസ്താദുമാരായ ഹംസ ഫൈസി ഹൈതമി നല്ലൂര്‍, ളിയാഉദ്ധീന്‍ ഫൈസി മേല്‍മുറി, സുലൈമാന്‍ ഫൈസി ചുങ്കത്തറ, ശിഹാബുദ്ധീന്‍ ഫൈസി കൂമണ്ണ, ജാമിഅ ദക്ഷിണ കന്നഡ ജില്ലാ സ്റ്റുഡന്റ്‌സ് ഫോറം ഭാരവാഹികള്‍ സംബന്ധിച്ചു.