കോഴിക്കോട്: 'സുരക്ഷിതം ഇന്ത്യ ഈ കരങ്ങളില്‍' പ്രമേയത്തില്‍ എസ്.കെ.എസ്.ബി.വി സംസ്ഥാന വ്യാപകമായി റിപ്പബ്ലിക് ദിനത്തില്‍ നടത്തിയ ബാല ഇന്ത്യയുടെ ഭാഗമായി ജില്ലാ കമ്മിറ്റി മടവൂര്‍ സി.എം മഖാമില്‍ സംഘടിപ്പിച്ച പരിപാടി ശ്രദ്ധേയമായി. റാലിക്കു ശേഷം മടവൂര്‍ അശ്അരിയ്യ കാംപസ് ഗ്രൗണ്ടില്‍ മഖാം കമ്മിറ്റി പ്രസിഡന്റ് എം. അബ്ദുറഹ്മാന്‍ മാസ്റ്റര്‍ പതാക ഉയര്‍ത്തി. തുടര്‍ന്ന് വിദ്യാര്‍ഥികള്‍ ബാല ഇന്ത്യ തീര്‍ത്തു. ജില്ലാ ജനറല്‍ സെക്രട്ടറി മുഹ്‌സിന്‍ ഓമശ്ശേരി പ്രതിജ്ഞ ചൊല്ലിക്കൊടുത്തു. പ്രസിഡന്റ് ഫുആദ് വെള്ളിമാട്കുന്ന് അധ്യക്ഷനായി. പാണക്കാട് സയ്യിദ് ഫൈനാസലി ശിഹാബ് തങ്ങള്‍ ഉദ്ഘാടനം ചെയ്തു.
എസ്.വൈ.എസ് സംസ്ഥാന സെക്രട്ടറി നാസര്‍ ഫൈസി കൂടത്തായി പ്രമേയ പ്രഭാഷണം നടത്തി. എസ്.കെ.ജെ.എം ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍, സെക്രട്ടറി പി. ഹസൈനാര്‍ ഫൈസി, പി. ബാവ ഹാജി, സി. സ്വാലിഹ് അസ്ഹരി, മുഹമ്മദ് സിനാന്‍ പാറപ്പള്ളി, നിസ്‌വാന്‍ തിരുവങ്ങൂര്‍, മുഹമ്മദ് സിനാന്‍ എം.കെ ഇയ്യാട്, മുഹമ്മദ് സിദാന്‍ ഉള്ള്യേരി, ഇജ്‌ലാല്‍ ഹമീദ് പാറപ്പള്ളി, വി.പി ആശിഖ് കൊയിലാണ്ടി, മുബാരിസ് ഫറോക്ക്, മുനീബ് പേരാമ്പ്ര, ശാഫി ഫൈസി, റിയാസ് ഖാന്‍ മടവൂര്‍ സംസാരിച്ചു. വര്‍ക്കിങ് സെക്രട്ടറി പി.പി ഫാഇസ് കൊയിലാണ്ടി സ്വാഗതവും അജ്‌വദ് ജുമാന്‍ നന്ദിയും പറഞ്ഞു.