ഫറോക്ക്: കോളജുകളിലെ അഡ്മിനിസ്‌ട്രേറ്റീവ് ജീവനക്കാരുടെ കാര്യക്ഷമത വര്‍ധിപ്പിക്കാന്‍ കോളജ് തലത്തില്‍ പദ്ധതികള്‍ ആവിഷ്‌കരിച്ച് നടപ്പാക്കണമെന്നു കാലിക്കറ്റ് യൂനിവേഴ്‌സിറ്റി റജിസ്ട്രാര്‍ ഡോ. ടി.എ അബ്ദുല്‍ മജീദ് അഭിപ്രായപ്പെട്ടു. കോളജ് ജീവനക്കാര്‍ക്കു വേദി സര്‍വകലാശാല തലത്തില്‍ പരിശീലന പരിപാടികള്‍ സംഘടിപ്പിക്കുതിനു സംവിധാനമൊരുക്കാന്‍ ശ്രമിക്കുമെന്നും അദ്ദേഹം കൂട്ടിച്ചേര്‍ത്തു. സംസ്ഥാന പ്രിന്‍സിപ്പല്‍സ് കൗണ്‍സിലിന്റെ നേതൃത്വത്തില്‍ എയ്ഡഡ് കോളജ് ജീവനക്കാര്‍ക്കു വേണ്ടി നടപ്പാക്കുന്ന ട്രെയിനിങ് പ്രോഗ്രാം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഫാറൂഖ് കോളജില്‍ വച്ച് നടന്ന ചടങ്ങില്‍ സംസ്ഥാന പ്രസിഡന്റ് ഡോ. എം. ഉസ്മാന്‍ അധ്യക്ഷനായി. കൗണ്‍സില്‍ സെക്രട്ടറി പ്രൊഫ. ഇ.പി ഇമ്പിച്ചിക്കോയ, കേരള പ്രൈവറ്റ് കോളജ് മാനേജ്‌മെന്റ് അസോസിയേഷന്‍ വൈസ് പ്രസിഡന്റ് അഡ്വ. എം. മുഹമ്മദ്, ടി.പി അഹമ്മദ് സലീം, പി. അബ്ദുല്‍ മജീദ് സംസാരിച്ചു. എറണാകുളം കോളജ് വിദ്യാഭ്യാസ ഡെപ്യൂട്ടി ഡയറക്ടര്‍ ഇന്‍ചാര്‍ജ് പി.എസ് നജീബ്, പി. മുഹമ്മദ് ഇല്യാസ്, ഡോ. വി.വി ജോര്‍ജ്കുട്ടി, ഡോ. പി. മുഹമ്മദാലി സംസാരിച്ചു, ഒ. അബ്ദുല്‍ അലി സര്‍ട്ടിഫിക്കറ്റുകള്‍ വിതരണം ചെയ്തു.