ശ്രീനഗര്‍: വടക്കന്‍ കശ്മിരിലുണ്ടായ രണ്ടു വ്യത്യസ്ത ഏറ്റുമുട്ടലുകളില്‍ ഒരു സൈനികനും ആറു തീവ്രവാദികളും കൊല്ലപ്പെട്ടു. ബാരമുല്ല ജില്ലയിലെ തന്‍മാര്‍ഗ്, കുപ്‌വാര ജില്ലയിലെ നൗഗാം പ്രദേശങ്ങളിലാണ് ഏറ്റുമുട്ടലുകള്‍ നടന്നത്. നൗഗാമില്‍ ആയുധങ്ങളുമായി എത്തിയ തീവ്രവാദികളെയാണ് കൊലപ്പെടുത്തിയതെന്നു സൈനിക വക്താക്കള്‍ വ്യക്തമാക്കി. 24 മണിക്കൂറോളം നീണ്ട ഏറ്റുമുട്ടലിനൊടുവിലാണ് തീവ്രവാദികളെ വധിച്ചത്.