ന്യൂഡല്‍ഹി: സംഘടനാ തെരഞ്ഞെടുപ്പ് നടത്താത്തതില്‍ കോണ്‍ഗ്രസിന് അന്ത്യശാസനവുമായി തെരഞ്ഞെടുപ്പ് കമ്മിഷന്‍. എന്തുകൊണ്ടാണ് തെരഞ്ഞെടുപ്പ് നടത്താത്തതെന്നും ജൂണ്‍ മാസത്തിനകം തെരഞ്ഞെടുപ്പ് നടത്തണമെന്നും കമ്മിഷന്‍ നിര്‍ദേശിച്ചു. നിരവധി തവണ സമയം നീട്ടി നല്‍കിയിരുന്നു. ഇനി സമയം നീട്ടി നല്‍കില്ലെന്നും കമ്മിഷന്‍ വ്യക്തമാക്കി.
ഒരുവര്‍ഷം കൂടി സമയം അനുവദിക്കണമെന്ന കോണ്‍ഗ്രസിന്റെ ആവശ്യം തള്ളിയാണ് കമ്മിഷന്‍ അന്ത്യശാസനം നല്‍കിയത്.രണ്ടുതവണ സമയം നീട്ടി നല്‍കിയതാണ്. ഇനിയും സമയപരിധി നീട്ടി ചോദിക്കുന്നത് ഉചിതമല്ലെന്ന് വ്യക്തമാക്കിയ കമ്മിഷന്‍ ജൂലൈ 15നകം ഭാരവാഹികളുടെ പട്ടിക സമര്‍പ്പിക്കണമെന്നും കോണ്‍ഗ്രസ് നേതൃത്വത്തോട് ആവശ്യപ്പെട്ടിട്ടുണ്ട്.