കോഴിക്കോട്: വട്ടക്കിണര്‍ ഗ്രീന്‍സ് സ്‌ക്വയര്‍ റസിഡന്‍സ് അസോസിയേഷന്‍ പത്താം വാര്‍ഷികം മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. പ്രസിഡന്റ് എം.കെ അബൂബക്കര്‍ പാരിസ് അധ്യക്ഷനായി. സുവനീര്‍ പ്രകാശം ഇ.പി ജ്യോതി നിര്‍വഹിച്ചു. പ്രഭാരാജവല്ലി പള്ളിയില്‍ സുവനീര്‍ ഏറ്റുവാങ്ങി. പുസ്തക വിതരണം ടി.വി ഉമ്മര്‍കോയ നിര്‍വഹിച്ചു. വാര്‍ഡ് കൗണ്‍സിലര്‍ നമ്പിടി നാരായണന്‍, പ്രസ്‌ക്ലബ് പ്രസിഡന്റ് കമാല്‍ വരദൂര്‍, സുകുമാരന്‍ മാസ്റ്റര്‍, പി. വിജയഗോപാലന്‍, എം.കെ ജലീല്‍, സി.പി.എം അബ്ദുറഹ്്മാന്‍ ബിന്‍ അഹമ്മദ് സംസാരിച്ചു. മുതിര്‍ന്ന പൗരന്‍ പാരിസ് അബൂബക്കറിനെ മേയര്‍ പൊന്നാട അണിയിച്ചു. വിവിധ കലാ- കായിക പരിപാടിയില്‍ പങ്കെടുത്തവര്‍ക്ക് സുകുമാരന്‍ മാസ്റ്റര്‍ സമ്മാനവിതരണം നടത്തി. പന്നിയങ്കര എസ്.ഐ കമറുദ്ദീന്‍ ബോധവല്‍ക്കരണ ക്ലാസ് നടത്തി. ഭദ്ര ടീച്ചര്‍ സ്വാഗതവും ചഞ്ചല്‍ വിജയ് നന്ദിയും പറഞ്ഞു.