കോഴിക്കോട്: സ്പാനിഷ് ക്ലബുകളായ റയല്‍ മാഡ്രിഡും അത്‌ലറ്റിക്കോ മാഡ്രിഡും തമ്മിലുള്ള യുവേഫ ചാംപ്യന്‍സ് ലീഗ് ഫൈനല്‍ മത്സരം കാണുന്നതിന് നൈനാംവളപ്പില്‍ വലിയ സ്‌ക്രീന്‍ ഒരുക്കുന്നു. എന്‍ഫ (നൈനാംവളപ്പ് ഫുട്‌ബോള്‍ ഫാന്‍സ് അസോസിയേഷന്‍) ഇന്‍ഡോ ഇലക്ട്രിക്കല്‍സിന്റെ സഹകരണത്തോടെയാണ് ഫുട്‌ബോള്‍ പ്രേമികള്‍ക്ക് സൗജന്യമായി ഈ സൗകര്യം ഒരുക്കുന്നത്.
28ന് രാത്രി 12ന് നടക്കുന്ന ക്ലാസിക് പോരാട്ടത്തിന്റെ തത്സമയ ബിഗ്‌സ്‌ക്രീന്‍ പ്രദര്‍ശനം  നൈനാംവളപ്പ് സ്‌കൂള്‍ ഹാളിലാണ് നടക്കുക.
സ്ഥലം എം.എല്‍.എയും മുന്‍ മന്ത്രിയുമായ ഡോ. എം.കെ മുനീര്‍, കേരള ഫുട്‌ബോള്‍ അസോസിയേഷന്‍ വൈസ് പ്രസിഡന്റ് എ. പ്രദീപ്കുമാര്‍ എം.എല്‍.എ, മുന്‍ സി.ഡി.എ ചെയര്‍മാന്‍ എന്‍.സി അബൂബക്കര്‍, സി.പി.എം കോഴിക്കോട് സൗത്ത് ഏരിയാ കമ്മിറ്റി സെക്രട്ടറി സി.പി മുസാഫര്‍ അഹമ്മദ് എന്നിവര്‍ അതിഥികളായി പങ്കെടുക്കും.