HOME
DETAILS

മഴക്കാല വൈദ്യുതി അപടകങ്ങള്‍ക്കു തടയിടാന്‍ കെ.എസ്.ഇ.ബി ഒരുങ്ങി

  
backup
May 27 2016 | 23:05 PM

%e0%b4%ae%e0%b4%b4%e0%b4%95%e0%b5%8d%e0%b4%95%e0%b4%be%e0%b4%b2-%e0%b4%b5%e0%b5%88%e0%b4%a6%e0%b5%8d%e0%b4%af%e0%b5%81%e0%b4%a4%e0%b4%bf-%e0%b4%85%e0%b4%aa%e0%b4%9f%e0%b4%95%e0%b4%99%e0%b5%8d%e0%b4%99

നിലമ്പൂര്‍: മഴക്കാലത്തെ അപകടസാധ്യതകള്‍ ഒഴിവാക്കുന്നതിനു വേണ്ടി സുരക്ഷാ മുന്നൊരുക്കവുമായി കെ.എസ്.ഇ.ബി തയ്യാറെടുപ്പു തുടങ്ങി. ഇതിനു മുന്നോടിയായി വിവിധ സെക്ഷന്‍ പരിധികളിലെ പഴയ വൈദ്യുതി തൂണുകളെല്ലാം മാറ്റി പുതിയവ സ്ഥാപിച്ചു.
വൈദ്യുതിലൈനില്‍ സ്പര്‍ശിക്കാനിടയുള്ള മരച്ചില്ലകള്‍ വെട്ടിമാറ്റി. കനത്ത മഴയിലും കാറ്റിലും പഴക്കം ചെന്ന വൈദ്യുതി കമ്പികള്‍ പൊട്ടിവീഴാന്‍ സാധ്യത ഏറെയാണ്. കമ്പി പൊട്ടിവീണു കിടക്കുന്നതു ശ്രദ്ധയില്‍പ്പെട്ടാല്‍ ഒരു കാരണവശാലും തൊടരുതെന്നും ഇക്കാര്യത്തില്‍ സ്ത്രീകളും കുട്ടികളും കൂടുതല്‍ ജാഗ്രത പാലിക്കണമെന്നും ഉടന്‍ തന്നെ കെ.എസ്.ഇ.ബി അധികൃതരെ വിവരമറിയിക്കണമെന്നും കെ.എസ്.ഇ.ബി അറിയിച്ചു.
75 ശതമാനത്തില്‍ കൂടുതല്‍ വൈദ്യുതി ലൈനുകള്‍ കടന്നു പോകുന്നതു മരങ്ങള്‍ക്കു കീഴെക്കൂടി ആയതിനാല്‍ മഴക്കാലത്ത് അപകട സാധ്യത കൂടുതലായ മേഖലകളിലൊന്നാണു നിലമ്പൂര്‍. ഇതിനാലാണു മഴക്കാലമെത്തും മുന്‍പേ കെ.എസ്.ഇ.ബി അധികൃതര്‍ സുരക്ഷാ മുന്നൊരുക്കം നടത്തിയതെന്നു നിലമ്പൂര്‍ സെക്ഷന്‍ എ.ഇ കെ. ഹരിദാസ് പറഞ്ഞു.
മാതൃകാ പ്രവര്‍ത്തനത്തിനു കെ.എസ്.ഇ.ബി കഴിഞ്ഞ വര്‍ഷം തെരഞ്ഞെടുത്തതു നിലമ്പൂര്‍ സെക്ഷനെയായിരുന്നു. ഉപയോക്താക്കളും കെ.എസ്.ഇ.ബി അധികൃതരും നല്ല ബന്ധമാണു നിലനില്‍ക്കുന്നതെന്നും അസിസ്റ്റന്റ് എന്‍ജിനീയര്‍ പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."