ചെറുപുഴ: തേജസ്വിനി കോക്കനട്ട് ഫാര്‍മേഴ്‌സ് പ്രൊഡ്യൂസര്‍ കമ്പനിയുടെ നേതൃത്വത്തില്‍ ചക്ക സംഭരണം ആരംഭിച്ചു. സംഭരണത്തിന്റെ ഫ്‌ളാഗ് ഓഫ് ചെറുപുഴ പഞ്ചായത്ത് പ്രസിഡന്റ് ജമീല കോളയത്ത് നിര്‍വഹിച്ചു. കിലോയ്ക്ക് നാലു രൂപ നിരക്കില്‍ വാങ്ങി ഫാക്ടറിയിലെത്തിച്ചു ജാം, ചക്കക്കുരുപ്പൊടി തുടങ്ങി നിരവധി ഉല്‍പന്നങ്ങളുണ്ടാക്കുകയെന്നതാണ് തങ്ങള്‍ ലക്ഷ്യമിടുന്നതെന്ന് ഭാരവാഹികള്‍ പറഞ്ഞു. പറമ്പില്‍ നിന്നു പറിച്ചെടുക്കുകയാണെങ്കില്‍ കിലോയ്ക്കു രണ്ടു രൂപയും പറിച്ചു നല്‍കിയാല്‍ നാലു രൂപയുമാണ് കര്‍ഷകനു ലഭിക്കുക. ചടങ്ങില്‍ പഞ്ചായത്ത് വൈസ് പ്രസിഡന്റ് വി കൃഷ്ണന്‍, സണ്ണി നെടുംതുരുത്തിയില്‍ തുടങ്ങി നിരവധി പേര്‍ സന്നിഹിതരായിരുന്നു.'