കല്‍പ്പറ്റ: അഞ്ച് പതിറ്റാണ്ടിലധികം പൊതു സമൂഹത്തിന് മുസ്‌ലിം സാംസ്‌കാരിക തനിമ കാത്ത് സൂക്ഷിച്ച് മാതൃകാപരമായ നേതൃത്വം നല്‍കുകയും അന്താരാഷ്ട്ര വേദികളില്‍ ഇന്ത്യന്‍ മുസ്‌ലിംകളെ പ്രതിനിധീകരിക്കുകയും ചെയ്ത ഇ അഹമ്മദ് എന്നും സമസ്തയുടെ ഉറ്റ തോഴനായിരുന്നെന്നും അനിവാര്യഘട്ടങ്ങളിലൊക്കെ വലിയ സഹായം ചെയ്ത വ്യക്തിയായിരുന്നെന്നും സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ പറഞ്ഞു.
ഇന്ത്യന്‍ മുസ്‌ലിംകളുടെ വൈജ്ഞാനിക സാംസ്‌കാരിക വളര്‍ച്ചക്ക് ശ്രദ്ധേയമായ സംഭാവനകളാണ് അദ്ദേഹം നല്‍കിയത്.
സമസ്ത കാര്യാലയത്തില്‍ ചേര്‍ന്ന സമസ്തയുടെ പോഷക ഘടകങ്ങളുടെയും അനുസ്മരണ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇ അഹമ്മദിന് വേണ്ടി പ്രത്യേക പ്രാര്‍ഥന നടത്തി. പിണങ്ങോട് അബൂബക്കര്‍ അധ്യക്ഷനായി. എസ് മുഹമ്മദ് ദാരിമി, എം.എം ഇമ്പിച്ചിക്കോയ മുസ്‌ലിയാര്‍, ഇബ്‌റാഹീം ഫൈസി പേരാല്‍, സി.പി ഹാരിസ് ബാഖവി, കാഞ്ഞായി ഉസ്മാന്‍, അയ്യൂബ് മാസ്റ്റര്‍ മുട്ടില്‍, എ.കെ സുലൈമാന്‍ മൗലവി, കെ.സി നവാസ് മൗലവി സംബന്ധിച്ചു.