മേഫീല്‍ഡ്: നെല്ലാക്കോട്ട പഞ്ചായത്തിലെ മേഫീല്‍ഡ്, ഒന്‍പതാംമൈല്‍ പ്രദേശങ്ങളില്‍ മാലിന്യ തൊട്ടികള്‍ സ്ഥാപിക്കണമെന്ന ആവശ്യം ശക്തമാകുന്നു. മേഫീല്‍ഡില്‍ നിന്നും ഒരു കിലോമീറ്റര്‍ ദൂരം വരുന്ന റോഡിന്റെ ഇരുപുറങ്ങളിലും ഇരുനൂറിലധികം കുടുംബങ്ങള്‍ താമസിക്കുന്നുണ്ട്. റോഡിന്റെ രണ്ടുഭാഗങ്ങളില്‍ മാത്രമാണ് ഇപ്പോള്‍ മാലിന്യവീപ്പകള്‍ സ്ഥാപിച്ചിട്ടുള്ളത്. ബാക്കിയുള്ള ഭാഗങ്ങളില്‍ മാലിന്യ വീപ്പകള്‍ ഇല്ലാത്തതിനാല്‍ നാട്ടുകാര്‍ മാലിന്യം റോഡരികിലാണ് നിക്ഷേപിക്കുന്നത്. ഇത് പരിസ്ഥിതി മലിനീകരണത്തിന് കാരണമാകുന്നതിനാല്‍ മാലിന്യവീപ്പകള്‍ സ്ഥാപിക്കാന്‍ അധികൃതര്‍ മുന്‍കയ്യെടുക്കണമെന്നാണ് ആവശ്യം.