ചാവക്കാട്: ആരോഗ്യ ഇന്‍ഷുറന്‍സ് കാര്‍ഡ് പുതുക്കല്‍ ഒരുമനയൂര്‍ പഞ്ചായത്തില്‍ ഇന്നും നാളേയും നടക്കും. മാങ്ങോട്ട് സ്‌കൂളില്‍ രാവിലെ 9 മുതല്‍ അഞ്ച് വരെയാണ് പുതുക്കല്‍ നടക്കുക.
റേഷന്‍ കാര്‍ഡിലുള്ള അഞ്ചുപേരെ ഉള്‍പ്പെടുത്താം. വിവാഹം കഴിഞ്ഞു വന്നവരെ വിവാഹ സര്‍ട്ടിഫിക്കറ്റിന്റെ അടിസ്ഥാനത്തിലും കുട്ടികളെ ജനസര്‍ട്ടിഫിക്കറ്റിന്റെ അടിസ്ഥാനത്തിലും ആര്‍.എസ്.ബി.വൈയില്‍ ഉള്‍പ്പെടുത്താവുന്നതാണ്. കൈവശമുള്ള ഇന്‍ഷുറന്‍സ് കാര്‍ഡും റേഷന്‍ കാര്‍ഡും 30 രൂപയും അപേക്ഷകര്‍ കൊണ്ടുവരണം.
പരമാവധി ആളുകള്‍ പ്രസ്തുത സംവിധാനം ഉപയോഗപ്പെടുത്തണമെന്ന് പഞ്ചായത്ത് പ്രസിഡന്റ് കെ.ജെ ചാക്കോ അറിയിച്ചു.