പെരുമ്പാവൂര്‍: മോഷണ കേസില്‍ ജാമ്യത്തിലിറങ്ങി 28 വര്‍ഷമായി മുങ്ങിനടന്ന പ്രതിയെ പൊലീസ് പിടികൂടി.
പെരുമ്പാവൂര്‍ മേക്കപ്പാല പൊക്കത്തായി വീട്ടില്‍ എല്‍ദോസ് (59) ആണ് കറുപ്പംപടി എസ്.ഐ പി.എം ഷമീറിന്റെ നേതൃതത്തില്‍ പൊലീസ് സംഘം ചാലക്കുടിയില്‍ നിന്നും അറസ്റ്റ് ചെയ്തത്. 1989 മെയ് മാസം കറുപ്പംപടി മുടിക്കരായിലെ ഒരു വീട്ടില്‍ പാതിരാത്രി ജനല്‍ പാളികള്‍ ഒടിച്ചു മാറ്റി അകത്ത് കടന്ന് ടേപ്പ് റിക്കാര്‍ഡര്‍, സീക്കോ വാച്ചുകള്‍, 2000 രൂപ എന്നിവ മോഷണം ചെയ്ത കേസിലാണ് പ്രതിയെ പിടികൂടിയത്. തുടര്‍ന്ന് കോടതിയില്‍ നിന്നും ജാമ്യം എടുത്ത് 28 വര്‍ഷമായി മുങ്ങി നടക്കുകയായിരുന്നു. ചാലക്കുടിയില്‍ ഒളിച്ചു താമസിച്ചു വരുകയായിരുന്ന ഇയാളെ ഇന്നലെ അര്‍ദ്ധരാത്രിയോടെയാണ് പൊലീസ് കസ്റ്റഡിയിലെടുത്തത്.
കുറുപ്പംപടി കോടതിയില്‍ ഹാജറാക്കിയ പ്രതിയെ റിമാന്റ് ചെയ്തു.