വാടാനപ്പള്ളി: മുസ്്‌ലിം ലീഗിന്റെ മതേതര മുഖം ലോകത്തിനു മുന്നില്‍ കാണിച്ചു കൊടുത്ത നേതാവായിരുന്നു ഇ. അഹമ്മദെന്ന് കെ.എ ഹാറൂണ്‍ റഷീദ്. പ്രഭാഷകന്‍, എഴുത്തുകാരന്‍, ഭരണകര്‍ത്താവ്, രാഷ്ട്ര തന്ത്രജ്ഞന്‍ തുടങ്ങിയ നിലയില്‍ തിളങ്ങി. ഒരു കയ്യില്‍ സമുദായ താല്പര്യവും മറുകയ്യില്‍ രാജ്യ സ്‌നേഹവും അദ്ദേഹം ഉയര്‍ത്തിപ്പിടിച്ചു.അവസാന നിമിഷങ്ങളിലെ വാര്‍ത്തകള്‍ ഏതൊരു മതേതര വാതിയെയും വേദനിപ്പിക്കുന്നതാണെന്നും മുസ്്‌ലിം ലീഗ് ജില്ലാ വൈസ്പ്രസിഡന്റ് കെ.എ ഹാറൂണ്‍ റഷീദ് പറഞ്ഞു.
മുസ്ലിം ലീഗ് വാടാനപ്പള്ളി പഞ്ചായത്ത് കമ്മിറ്റി സംഘടിപ്പിച്ച സര്‍വ കക്ഷി യോഗം ലീഗ് പഞ്ചായത്ത് പ്രസിഡന്റ് കെ.എം അബ്ദുള്ള അധ്യക്ഷനായി. വിവിധ സംഘടന നേതാക്കളായ കെ.സി പ്രസാദ്, ഇ.ബി ഉണ്ണികൃഷ്ണന്‍, അഷറഫ് വലിയകത്ത്, കെ.എ വിശ്വംഭരന്‍, കെ.എസ് ബിനോജ്, സി.എം നൗഷാദ്, പി.എ സുലൈമാന്‍, രജനി കൃഷ്ണാനന്ദ്, ടി.മുഹമ്മദ് മാസ്റ്റര്‍, പി.എ മുജീബ്, പി.കെ അഹമ്മദ്, എ.സി.അബ്ദുറഹിമാന്‍, പി.എം ഖാലിദ് എന്നിവര്‍ പ്രസംഗിച്ചു .