ഫറോക്ക്: ബലാത്സംഗ കേസിലെ പിടികിട്ടാപ്പുള്ളിയെ ഏര്‍വാടിയില്‍ വച്ചു പിടികൂടി. ഫറോക്ക് ചുങ്കം സ്വദേശി കുഴിപ്പറമ്പ് നൗഫലിനെയാണ് ഫറോക്ക് എസ്.ഐ രമേഷ്‌കുമാറിന്റെ നേതൃത്വത്തിലുള്ള പൊലിസ് സംഘം കസ്റ്റഡിയിലെടുത്തത്.
മൂന്ന് പെണ്‍കുട്ടികളെ ബലാത്സംഗം ചെയ്ത കേസില്‍ പ്രതിയായ നൗഫല്‍ നാട്ടില്‍നിന്നു മുങ്ങി വിവിധ സ്ഥലങ്ങളിലായി ഒളിവില്‍ താമസിച്ചുവരികയായിരുന്നു. സഹോദരികളായ രണ്ടു പെണ്‍കുട്ടികളെയും മറ്റൊരു പെണ്‍കുട്ടിയെയുമാണു യുവാവ് ബലാത്സംഗം ചെയ്തത്. 2014ലാണ് കേസിനാസ്പദമായ സംഭവം നടന്നത്.
പ്രതിയെ ഫറോക്കിലെത്തിച്ച് അറസ്റ്റ് രേഖപ്പെടുത്തി. കോടതിയില്‍ ഹാജരാക്കി റിമാന്‍ഡ് ചെയ്തിട്ടുണ്ട്.