ചങ്ങരംകുളം: രണ്ടായിരം രൂപയുടെ നോട്ട് വെള്ളം നനഞ്ഞതിനെ തുടര്‍ന്നു നിറംമാറി. നിറം മാറിയ നോട്ട് സ്വീകരിക്കാനാകില്ലെന്ന് ബാങ്ക് അധികൃതര്‍ നിലപാടെടുത്തതോടെ യുവാവ് വെട്ടിലായി. ചങ്ങരംകുളം നന്നംമുക്ക് സ്വദേശിയായ അജ്മലിന്റെ കൈവശമുണ്ടായിരുന്ന നോട്ടാണ് നിറംമാറിയത്.
കഴിഞ്ഞ ദിവസം എടി.എമ്മില്‍നിന്നെടുത്ത പുതിയ സിരീസിലുള്ള രണ്ടായിരം രൂപയുടെ നോട്ടാണ് നിറംമാറിയത്. വെയിലത്തുവച്ച് ഉണക്കിയിരുന്നെങ്കിലും നോട്ട് നിറം മാറുകയായിരുന്നു. നോട്ടുമായി ചങ്ങരംകുളത്തെ സൗത്ത് ഇന്ത്യന്‍ ബാങ്കിലെ ശാഖയെ സമീപിച്ചെങ്കിലും ബാങ്കില്‍ ഇത്തരം നോട്ടുകള്‍ മാറ്റിക്കൊടുക്കാനുള്ള നിര്‍ദേശമൊന്നും എത്തിയിട്ടില്ലെന്നാണ് ബാക് അധികൃതര്‍ അറിയിച്ചത്.
നിറംമാറിയ രണ്ടായിരം രൂപയുടെ നോട്ട് എന്തു ചെയ്യണമെന്നറിയാതെ കുഴഞ്ഞിരിക്കുകയാണ് അജ്മല്‍.