കൊച്ചി: കേരള സ്റ്റേറ്റ് വഖ്ഫ് ബോര്‍ഡ് സാമൂഹ്യക്ഷേമ പദ്ധതിയുടെ ഭാഗമായി മിടുക്കരായ 117 വിദ്യാര്‍ഥികള്‍ക്ക് സ്‌കോളര്‍ഷിപ്പ് അനുവദിക്കാന്‍ തീരുമാനിച്ചു. എം.ബി.ബി.എസ് -29, ബി.ടെക് - 37, ബി.ഡി.എസ് -8, ബി.എസ്‌സി നഴ്‌സിങ് - 9, ബി.എസ്‌സി സൈബര്‍ ഫോറന്‍സിക് -2, ബി.എസ്‌സി റേഡിയോളജി-1, ബി.എസ്‌സി.എം.എല്‍.ടി -5, ബി.ഫാം -12, ഡി.ഫാം-3, ഫാംഡി-2, എം.ബി.എ-3, എല്‍.എല്‍.ബി-3, ബി.എ.എം.എസ്-2 എന്നിങ്ങനെയാണ് സ്‌കോളര്‍ഷിപ്പ് അനുവദിച്ചത്. ബോര്‍ഡ് യോഗത്തില്‍ ചെയര്‍മാന്‍ റഷീദലി ശിഹാബ് തങ്ങള്‍ അധ്യക്ഷനായി.
മെംബര്‍മാരായ എം.സി മായിന്‍ ഹാജി, അഡ്വ. പി.വി സൈനുദ്ദീന്‍, അഡ്വ. എം. ഷറഫുദ്ദീന്‍, ടി.പി അബ്ദുല്ലക്കോയ മദനി, അഡ്വ. ഫാത്തിമ റോസ്‌ന, ഗവ. അഡീ. ലോ സെക്രട്ടറി എ. സാജിത, ചീഫ് എക്‌സിക്യൂട്ടീവ് ഓഫിസര്‍ എം.കെ സാദിഖ് സംബന്ധിച്ചു.