കോഴിക്കോട്: അന്താരാഷ്ട്ര ഇസ്‌ലാമിക് യൂനിവേഴ്‌സിറ്റീസ് ലീഗ് അംഗമായ സി.ഐ.സിയുമായി അഫ്‌ലിയേറ്റ് ചെയ്ത് പുതിയ വാഫി,വഫിയ്യ സ്ഥാപനങ്ങള്‍ തുടങ്ങാന്‍ അപേക്ഷിച്ച സ്ഥാപന മേധാവികള്‍ക്കുള്ള ഓറിയന്റേഷന്‍ പ്രോഗ്രാം നടത്തി. ഇന്നലെ കോഴിക്കോട് അസ്മ ടവറില്‍ നടന്ന പരിപാടി അക്കാദമിക്ക് കൗണ്‍സില്‍ ഡയറക്ടര്‍ സൈദ് മുഹമ്മദ് നിസാമി ഉദ്ഘാടനം ചെയ്തു. സി.ഐ.സി. കോ ഓഡിനേറ്റര്‍ പ്രൊഫ.അബ്ദുല്‍ ഹകീം ഫൈസി ആദൃശ്ശേരി, അഹമ്മദ് വാഫി കക്കാട്, ഡോ.താജുദ്ദീന്‍ വാഫി, റസാഖ് ഫൈസി കണ്ണൂര്‍, സലാം വാഫി ഇരുമ്പ് ചോല, അലി ഹുസൈന്‍ വാഫി, ഹമീദ് വാഫി തുടങ്ങിയവര്‍ സംസാരിച്ചു.