ലഖ്‌നൗ: കഴിഞ്ഞ വര്‍ഷം മാര്‍ച്ച് 20 മുതല്‍ 10 മാസക്കാലത്തിനിടയില്‍ ഉത്തര്‍പ്രദേശിലുണ്ടായത് 921 ഏറ്റുമുട്ടലുകള്‍. ഈ സര്‍ക്കാര്‍ അധികാരത്തില്‍ വന്നതിനു ശേഷമാണ് ഇത്രയും ഏറ്റുമുട്ടലുകളുണ്ടായത്. 29 പേരാണ് സംഭവത്തില്‍ കൊല്ലപ്പെട്ടത്.
ആറ് മാസത്തിനിടയില്‍ 19 ഏറ്റുമുട്ടലുകളുണ്ടായതിനെ തുടര്‍ന്ന് സംസ്ഥാന സര്‍ക്കാരിന് ദേശീയ മനുഷ്യാവകാശ കമ്മിഷന്‍ കഴിഞ്ഞ നവംബര്‍ 22ന് നോട്ടിസ് അയച്ചിരുന്നു. പൊലിസ് ലുക്ക് ഔട്ട് നോട്ടിസ് പുറപ്പെടുവിച്ചവരുള്‍പ്പെടെ കൊല്ലപ്പെട്ടവരിലുണ്ട്. ഈ വര്‍ഷം പിറന്നതോടെ എട്ടുപേരാണ് കൊല്ലപ്പെട്ടത്.
അതേസമയം ദേശീയ മനുഷ്യാവകാശ കമ്മിഷന്‍ അയച്ചുവെന്ന് പറയുന്ന നോട്ടിസ് ഇതുവരെ കിട്ടിയിട്ടില്ലെന്ന് സംസ്ഥാന സര്‍ക്കാര്‍ അറിയിച്ചു.