കോഴിക്കോട്: കലാ സാംസ്‌കാരിക സംഘടനയായ ചിത്രാഞ്ജലിയുടെ അഖില കേരളാ നഴ്‌സറി കലോത്സവം 19, 20 തിയതികളില്‍ ടാഗോര്‍ സെന്റിനറി ഹാളില്‍ നടക്കും. 17 ഇനങ്ങളിലായി സംസ്ഥാനത്തെ 1100ഓളം കലാപ്രതിഭകള്‍ പങ്കെടുക്കും. 19നു രാവിലെ 9.45ന് നടക്കുന്ന ചടങ്ങില്‍ മേയര്‍ തോട്ടത്തില്‍ രവീന്ദ്രന്‍ മുഖ്യാതിഥിയാകും. മുന്‍വര്‍ഷത്തെ വ്യക്തിഗത ജേതാവായ ഫിയോമ കാതറിന്‍ ഉദ്ഘാടനം ചെയ്യും. 20നു വൈകിട്ട് നടക്കുന്ന സമാപനസംഗമത്തില്‍ എ. പ്രദീപ്കുമാര്‍ എം.എല്‍.എ അധ്യക്ഷനാകും. കലക്ടര്‍ യു.വി ജോസ് മുഖ്യാതിഥിയാകും. മത്സരത്തില്‍ പങ്കെടുക്കാന്‍ താല്‍പര്യമുള്ള നഴ്‌സറി വിദ്യാര്‍ഥികള്‍ 9895234333, 9946442188 എന്നീ നമ്പറുകളില്‍ ബന്ധപ്പെടണമെന്നു പി. രാധാകൃഷ്ണന്‍, വഹീദ നൗഷാദ്, കെ.എ നൗഷാദ്, തൃദീപ് കുമാര്‍, എം.കെ അനീഷ്, ടി.സി ബസന്ത് എന്നിവര്‍ വാര്‍ത്താസമ്മേളനത്തില്‍ അറിയിച്ചു.