കണ്ണൂര്‍: വാഹന പരിശോധനക്കിടെ 14 കിലോഗ്രാം കഞ്ചാവ് പിടികൂടി. സംഭവവുമായി ബന്ധപ്പെട്ട് രണ്ടുപേര്‍ പൊലിസ് പിടിയില്‍. പുതിയതെരു ശങ്കരന്‍ കടയിലെ എന്‍ എന്‍ റാഷിദ്, പാപ്പിനിശേരി കോലത്തുവയലിലെ റാഷിദ് പി.കെ എന്നിവരാണ് പിടിയിലായത്. ഉത്തര മേഖല ജോയന്റ് എക്‌സൈസ് കമ്മിഷണറുടെ സ്‌പെഷ്യല്‍ സ്‌ക്വാഡും കണ്ണൂര്‍ എക്‌സൈസ് ആന്റി നര്‍കോട്ടിക്‌സ് സ്‌പെഷ്യല്‍ സ്‌ക്വാഡും ചേര്‍ന്ന് നടത്തിയ വാഹന പരിശോധനയിലാണ് കഞ്ചാവ് പിടികൂടിയത്.

എക്‌സൈസ് ഇന്‍സ്‌പെക്ടര്‍ എം ദിലീപ്, പ്രിവന്റീവ് ഓഫീസര്‍ വി കെ വിനോദ്, രജിരാഗ്, സി എച്ച് റിഷാദ്, വി പി ശ്രീകുമാര്‍, ഷാഡോ ടീം അംഗം കെ ബിനീഷ്, ആന്റി നര്‍കോട്ടിക്‌സ് സ്‌പെഷ്യല്‍ സ്‌ക്വാഡിലെ സിവില്‍ ഓഫീസര്‍മാരായ പിഎം കെ സജിത്ത് കുമാര്‍, ഒ ലിമേഷ് എന്നിവരാണ് സംഘത്തിലുണ്ടായിരുന്നത്.