എടവണ്ണപ്പാറ: ചെറുവായൂര്‍ അയ്യന്‍ചോല മലയില്‍ തീപിടിത്തത്തില്‍ നൂറോളം പറങ്കിമാവുകള്‍ കത്തിനശിച്ചു. ഞായറാഴ്ച ഉച്ചയ്ക്കാണ് സംഭംവം. തീപിടിത്തത്തില്‍ ഒരേക്കറോളം വരുന്ന സ്ഥലം കത്തിനശിച്ചു.
ഇതുവഴി യാത്ര ചെയ്തവരാണ് തീപിടിച്ചതു കണ്ടത്. പൊരിവെയിലത്തു തീ പെട്ടെന്ന് ആളിപ്പടരുകയായിരുന്നു. പൊലിസും ഫയര്‍ഫോഴ്‌സും എത്തുതിനു മുന്‍പേ തൊട്ടടുത്തു ഗൃഹപ്രവേശനത്തിനെത്തിയവരുടെയും നാട്ടുകാരുടെയും സമയോചിത ഇടപെടലാണ് കൂടുതല്‍ നാശനഷ്ടങ്ങള്‍ ഉണ്ടാവാതിരിക്കാന്‍ കാരണം.