കൊടുങ്ങല്ലൂര്‍: പുല്ലൂറ്റ് നാരായണമംഗലം പെരിങ്ങപ്പാടത്തിന് സമീപം വീട് കത്തിനശിച്ചു. തൊട്ടിയില്‍ ഗംഗാധരന്റ ഓട് മേഞ്ഞ വീടാണ് കത്തി നശിച്ചത്. വാടക വീട്ടിലെ താമസക്കാരാണ് ഗംഗാധരനും കുടുംബവും. ഉച്ചതിരിഞ്ഞ് മൂന്നരയോടെ ആയിരുന്നു സംഭവം.
അടുപ്പില്‍ നിന്നും തീ പടര്‍ന്ന് കത്തിപ്പിടിക്കുകയായിരുന്നു. തീ പിടുത്തത്തില്‍ വീട് ഭാഗികമായി കത്തി നശിച്ചു. ഫയര്‍ഫോഴ്‌സും നഗരസഭാ കൗണ്‍സിലര്‍മാരായ വി.ബി രതീഷ് ,സി.കെ രാമനാഥന്‍ എന്നിവരുടെ നേതൃത്വത്തില്‍ നാട്ടുകാരും ചേര്‍ന്ന് തീയണച്ചു.