തിരുവനന്തപുരം: 29 ദിവസമായി തുടരുന്ന ലോ അക്കാദമി വിദ്യാര്‍ഥി സമരം അവസാനിച്ചേക്കുമെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. സമരം തീരാന്‍ അനുകൂല സാഹചര്യമുണ്ട്. ഇക്കാര്യം വിദ്യഭ്യാസമന്ത്രിക്ക് നന്നായി അറിയാം. ഇന്നത്തെ ചര്‍ച്ച കൊണ്ട് സമരം അവസാനിപ്പിക്കുമെന്നാണ് പ്രതീക്ഷയെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു.
സമരം അവസാനിക്കുമെന്ന പ്രതീക്ഷയില്‍ തന്നെയാണ് വിദ്യാര്‍ഥികളും. പുതിയ പ്രിന്‍സിപ്പലിനെ നിയമിക്കുന്നത് സ്വാഗതാര്‍ഹമെന്ന് വിദ്യാര്‍ഥികള്‍ പ്രതികരിച്ചു. കാലാവധി നിശ്ചയിക്കാതെ, സ്ഥിര നിയമനം നടത്താല്‍ മാനേജ്‌മെന്റ് തയ്യാറായാല്‍ സമരം അവസാനിപ്പിക്കാമെന്ന നിലപാടാണ് എല്ലാ വിദ്യാര്‍ഥി സംഘടനകളും ഐക്യകണേ്ഠന തീരുമാനിച്ചിരിക്കുന്നത്.