അബ്ദുസ്സലാം കൂടരഞ്ഞി
റിയാദ്: സഊദിയില്‍ രണ്ടണ്ടു വര്‍ഷത്തിനിടെ 1792 പ്രതിക്രിയാ കേസുകള്‍ റിപ്പോര്‍ട്ട് ചെയ്തതായി കണക്കുകള്‍. വിവിധ പ്രവിശ്യകളിലായി ഇത്തരത്തില്‍ നിരവധി കേസുകളാണ് രജിസ്റ്റര്‍ ചെയ്തിട്ടുള്ളത്. ഇക്കാലയളവില്‍ ഏറ്റവും കൂടുതല്‍ കേസ് രജിസ്റ്റര്‍ ചെയ്തത് തലസ്ഥാന നഗരിയായ റിയാദാണെന്നും റിപ്പോര്‍ട്ടില്‍ പറയുന്നു. മക്കയില്‍ 407 ഉം മദീനയില്‍ 65 ഉം കിഴക്കന്‍ പ്രവിശ്യയില്‍ 248 ഉം കേസുകളാണ് പ്രതിക്രിയക്കായി കോടതികളിലുള്ളത്.
വ്യക്തികള്‍ തമ്മിലുള്ള അഭിപ്രായ വ്യത്യാസം മൂര്‍ച്ചിച്ചുണ്ടണ്ടാകുന്ന തര്‍ക്കങ്ങളെ തുടര്‍ന്നുണ്ടണ്ടാകുന്ന വാക്കേറ്റത്തിലും മറ്റും കൊലപാതകമോ അവയവം നഷ്ടമാകുകയോ ചെയ്താല്‍ അത് തിരിച്ചു നല്‍കാനുള്ള കേസ് ചുമത്തപ്പെടും. ഇത്തരം കേസുകളില്‍ കണ്ണ് , കൈ മറ്റു അവയവങ്ങള്‍ തുടങ്ങിയവ നഷ്ടപ്പെട്ടാല്‍ ഉത്തരവാദികളായവരുടെ പക്കല്‍ നിന്നും അത് തിരിച്ചെടുക്കാനുള്ള വിധിയാണ് നടപ്പിലാക്കുക. എന്നാല്‍ വാഹനാപകടങ്ങളില്‍ മരണം സംഭവിക്കുകയോ അവയവങ്ങള്‍ നഷ്ടപ്പെടുകയോ ചെയ്താല്‍ ഇത്തരം കേസുകളില്‍ പ്രതിക്രിയ വിധിക്കാറില്ലെന്നും പകരം പണം നല്‍കാനാണ് വിധിക്കുന്നതെന്നും സഊദി നിയമ വിദഗ്ദ്ധന്‍ ചൂണ്ടണ്ടിക്കാട്ടി.
ഇത്തരത്തിലുള്ള കേസുകളില്‍ സര്‍ക്കാര്‍ ആശുപത്രികളില്‍ നിന്നും പരിശോധിച്ച് അവയവത്തിന്റെ പ്രവര്‍ത്തനക്ഷമതാ റിപ്പോര്‍ട്ട് ലഭിച്ച ശേഷമാണ് കോടതി വിധി പുറപ്പെടുവിക്കുക.
പ്രതിക്രിയ ഒഴിവാക്കി ദിയ (ബ്ലഡ് മണി) നല്‍കി മാപ്പു നല്‍കുവാനും അവസരമുണ്ടണ്ട്. എന്നാല്‍ കൊലപാതക കേസുകളില്‍ കൊല്ലപ്പെട്ട വ്യക്തിയുടെ രക്ഷിതാക്കളോ ബന്ധുക്കളോ ദിയാ പണം ആവശ്യപ്പെട്ടാലും കൊല്ലപ്പെട്ടയാളുടെ കുടുബവുമായി രമ്യതയിലെത്തിയാലും പ്രതിക്രിയയായി വിധിക്കപ്പെടുന്ന വധശിക്ഷ ഒഴിവാക്കപ്പെടും. രാജ്യത്ത് അബദ്ധത്തില്‍ സംഭവിക്കുന്ന കൊലപാതകങ്ങളിലും റോഡപകട മരണങ്ങളിലും ദിയാ നല്‍കാനാണ് വിധിക്കുന്നതെന്നും മനപ്പൂര്‍വമോ, ഗൂഡാലോചന നടത്തിയുള്ള കൊലപാതകങ്ങള്‍ക്കോ ആണ് വധശിക്ഷ വിധിക്കാറുള്ളൂവെന്നും മുന്‍ ജഡ്ജി കൂടിയായ അഹമ്മദ് അമിന്‍ പറഞ്ഞു.