പട്ടിക്കാട്്: പട്ടിക്കാട് ജാമിഅ നൂരിയ്യ അറബിയ്യയുടെ 55ാം വാര്‍ഷിക 53ാം സനദ്ദാന സമ്മേളനത്തിനത്തിന്റെ ഭാഗമായി നടത്തുന്ന ഫെസ്റ്റ് ഫിനാലെ തുടങ്ങി.
സംസ്ഥാനത്തിന്റെ വിവിധ മേഖലകളിലായി നടന്ന ദര്‍സ് ഫെസ്റ്റിന്റെ സമാപനമായ ഫെസ്റ്റ് ഫിനാലെയില്‍ 56 ഇനങ്ങളിലായി എണ്ണൂറോളം വിദ്യാര്‍ഥികളാണ് മാറ്റുരക്കുന്നത്. ഫൈസ്റ്റ് ഫിനാലെയുടെ ഉദ്ഘാടനം സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ നിര്‍വഹിച്ചു.
സര്‍ഗശേഷി പരിപോഷിപ്പിക്കപ്പെടണമെന്നും അത് സമൂഹത്തിന്റെ നന്മക്കും ധര്‍മത്തിന്റെ പ്രചാരണത്തിനും ഉപയോഗിക്കണമെന്നും ആലിക്കുട്ടി മുസ്‌ലിയാര്‍ പ്രസ്താവിച്ചു.
പുത്തനഴി മൊയ്തീന്‍ ഫൈസി അധ്യക്ഷനായി. ഹംസ ഫൈസി അല്‍ ഹൈത്തമി, സുലൈമാന്‍ ഫൈസി ചുങ്കത്തറ, ളിയാഉദ്ദീന്‍ ഫൈസി മേല്‍മുറി, മുഹമ്മദലി ശിഹാബ് ഫൈസി കൂമണ്ണ, ഇബ്രാഹിം ഫൈസി തിരൂര്‍ക്കാട്, സ്വലാഹുദ്ദീന്‍ ഫൈസി വല്ലപ്പുഴ, മുഹമ്മദലി ഹാജി തൃക്കടേരി, എ.ടി മുഹമ്മദലി ഹാജി, എം. അബൂബക്കര്‍, സി.കെ മൊയ്തീന്‍ ഫൈസി, ഹനീഫ് പട്ടിക്കാട്, നാസര്‍ ഫൈസി പ്രസംഗിച്ചു.