മീനങ്ങാടി: ഈ മാസം 17, 18, 19 തിയതികളില്‍ മീനങ്ങാടി ഗ്രാമ പഞ്ചായത്ത് സ്റ്റേഡിയത്തില്‍ പ്രത്യേകം സജ്ജമാക്കുന്ന ഹുദൈബിയ നഗറില്‍ നടക്കുന്ന എസ്.കെ.എസ്.എസ്.എഫ് മദീനാ പാഷന്റെ വിജയത്തിനായി സ്വാഗതസംഘം രൂപീകരിച്ചു.
മീനങ്ങാടി എസ്.കെ.എസ്.എസ്.എഫ് ക്ലസ്റ്റര്‍, മഹല്ല് കമ്മിറ്റി, മദീനിയ്യ ഹയര്‍ സെക്കന്‍ഡറി മദ്‌റസ സ്റ്റാഫ് കമ്മിറ്റി എന്നിവയുടെ നേതൃത്വത്തിലാണ് 101 അംഗ പ്രാദേശിക സ്വാഗതസംഘം രൂപീകരിച്ചത്.
രൂപീകരണ യോഗം ഇബ്രാഹീം ഫൈസി പേരാല്‍ ഉദ്ഘാടനം ചെയ്തു. മീനങ്ങാടി മഹല്ല് പ്രസിഡന്റ് മുഹമ്മദ് ഹാജി അധ്യക്ഷനായി. എസ്.കെ.എസ്.എസ്.എഫ് ജില്ലാ പ്രസിഡന്റ് ഷൗക്കത്തലി മൗലവി വെള്ളമുണ്ട മുഖ്യപ്രഭാഷണം നടത്തി.
എസ്.കെ.എസ്.എസ്.എഫ് ജില്ലാ സെക്രട്ടറി അയ്യൂബ് മാസ്റ്റര്‍, വിഖായ ജില്ലാ ചെയര്‍മാന്‍ റഷീദ് വെങ്ങപ്പള്ളി, എസ്.കെ.എസ്.എസ്.എഫ് സുല്‍ത്താന്‍ ബത്തേരി മേഖല ട്രഷറര്‍ ഹാരിസ് മാസ്റ്റര്‍, ജെ മുഹമ്മദ് മൗലവി, മീനങ്ങാടി ക്ലസ്റ്റര്‍ സെക്രട്ടറി റഹീം, സി.പി പോക്കര്‍ ഹാജി തുടങ്ങിയവര്‍ സംസാരിച്ചു.
സമ്മേളനത്തിന്റെ വിജയത്തിനായി വിപുലമായ സൗകര്യങ്ങളാണ് ഹുദൈബിയയില്‍ ഒരുങ്ങുന്നത്.
മജ്‌ലിസുന്നൂര്‍, പ്രഭാഷണം, അറബനമുട്ട്, ത്വലബാ സംഗമം, സമ്മേളനം എന്നിങ്ങനെ വിവിധ സദസുകള്‍ക്കായി പ്രാദേശിക സ്വാഗത സംഘം ഹുദൈബിയ്യ നഗരി ഒരുക്കും.