താമരശേരി: കട്ടിപ്പാറ പ്ലാപ്പറ്റ പാടശേഖരത്തില്‍ നടന്ന നെല്‍കൃഷി വിളവെടുപ്പ് ഗ്രാമപഞ്ചായത്ത് പ്രസിഡന്റ് ബേബി രവീന്ദ്രന്‍ ഉദ്ഘാടനം ചെയ്തു.
ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ പി.സി തോമസ് അധ്യക്ഷനായി. കൃഷി ഓഫിസര്‍ കെ.കെ മുഹമ്മദ് ഫൈസല്‍ പദ്ധതി വിശദീകരിച്ചു. ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ ബേബി ബാബു, പാടശേഖരസമിതി സെക്രട്ടറി എം.കെ എബ്രഹാം, എഡി.എസ് ചെയര്‍പേഴ്‌സന്‍ അനിതാ രവീന്ദ്രന്‍, അസി. കൃഷി ഓഫിസര്‍ ബിജു സംസാരിച്ചു.
പാടശേഖരസമിതി പ്രസിഡന്റ് രവി വാളത്തുവളപ്പില്‍ സ്വാഗതവും കൃഷി അസി. ഇ.കെ സജി നന്ദിയും പറഞ്ഞു. 11 ഹെക്ടര്‍ സ്ഥലത്താണ് കടുത്ത വരള്‍ച്ചയെയും വന്യജീവിശല്യത്തെയും അതിജീവിച്ച് കര്‍ഷകര്‍ കൃഷിയിറക്കിയത്. കൊയ്ത്തിനു ശേഷം പാടശേഖരത്തില്‍ പച്ചക്കറി കൃഷിയിറക്കാന്‍ തയാറെടുക്കുകയാണ് കര്‍ഷകര്‍.