പനാജി: ഗോവ തെരഞ്ഞെടുപ്പില്‍ പോസ്റ്റല്‍ വോട്ടുകളും നിര്‍ണായകമായേക്കും. 40 അംഗ നിയമസഭയില്‍ ആര് ഭരിക്കണമെന്നത് തീരുമാനിക്കാന്‍ പോസ്റ്റല്‍ വോട്ടുകള്‍ക്ക് കഴിയുമെന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്.
കഴിഞ്ഞ ഫെബ്രുവരി നാലിന് നടന്ന തെരഞ്ഞെടുപ്പിന് ഡ്യൂട്ടിയിലുണ്ടായിരുന്ന സര്‍ക്കാര്‍ ജീവനക്കാര്‍, അധ്യാപകര്‍, പൊലിസ് ഉദ്യോഗസ്ഥര്‍ എന്നിവരടക്കം 17,000 പോര്‍ക്കുള്ള പോസ്റ്റല്‍ ബാലറ്റ് ഇതിനകം നല്‍കിയിട്ടുണ്ട്. തെരഞ്ഞെടുപ്പില്‍ ഈ വോട്ടുകള്‍ നിര്‍ണായകമാണെന്നാണ് വിലയിരുത്തപ്പെടുന്നത്. ഇത്തരമൊരവസ്ഥയില്‍ പോസ്റ്റല്‍ ബാലറ്റ് തീരുമാനിക്കും സംസ്ഥാനം ആര് ഭരിക്കണമെന്നത്.