ന്യൂഡല്‍ഹി: ആധാര്‍ സംവിധാനത്തിനെതിരേ വിമര്‍ശനവുമായി വീണ്ടും യു.എസ് ദേശീയ സുരക്ഷാ ഏജന്‍സി മുന്‍ ഉദ്യോഗസ്ഥന്‍ എഡ്വേര്‍ഡ് സ്‌നോഡന്‍.
ആധാര്‍ അസംബന്ധമാണെന്നും സേവനങ്ങളിലേക്ക് കടക്കാന്‍ സാധ്യമാകാത്ത വിധത്തില്‍ തയാറാക്കിയ വാതിലാണിതെന്നും സ്‌നോഡന്‍ കുറ്റപ്പെടുത്തി.
ഇന്ത്യന്‍ ചാര സംഘടനയായ റോയുടെ മുന്‍ മേധാവി കെ.സി വര്‍മ്മ 'ദ വയര്‍' ഓണ്‍ലൈന്‍ മാധ്യമത്തില്‍ എഴുതിയ ലേഖനവും സ്‌നോഡന്‍ ട്വീറ്റ് ചെയ്തിട്ടുണ്ട്. ആധാര്‍ നിര്‍ബന്ധമാക്കുന്നത് ക്രിമിനല്‍ കുറ്റമാക്കണമെന്ന് സ്‌നോഡന്‍ ആവശ്യപ്പെട്ടു.
ആധാര്‍ തിരിച്ചറിയല്‍ രേഖയാണെന്നും വ്യക്തി വിവരങ്ങളടങ്ങിയ ഡാറ്റാ സോഴ്‌സ് അല്ലെന്നാണ് യു.ഐ.ഡി.എ.ഐ പറഞ്ഞത്. എന്നാല്‍ ബാങ്കുകളും ആശുപത്രികളും സ്‌കൂളുകളും ഭൂവുടമകളുമെല്ലാം ആധാറിന്റെ പരിധിയില്‍നിന്നൊഴിവാക്കണമെങ്കില്‍ നിയമത്താല്‍ മാറ്റിനിര്‍ത്തണമെന്ന് സ്‌നോഡന്‍ പറഞ്ഞു.
ആധാറിന്റെ ദുരുപയോഗത്തെ സ്‌നോഡന്‍ നേരത്തെയും വിമര്‍ശിച്ചിരുന്നു.