തൊടുപുഴ: ഇമാം കൗണ്‍സില്‍ നേതൃത്വത്തില്‍ തൊടുപുഴയില്‍ സംഘടിപ്പിച്ച ശരീഅത്ത് സംരക്ഷണ റാലിയിലും പൊതുസമ്മേളനത്തിലും പങ്കെടുത്ത അയ്യായിരത്തോളം പേര്‍ക്ക് സ്വകാര്യ ട്രസ്റ്റ് ശീതള പാനീയം വിതരണം ചെയ്തു.
അന്തീനാട്ട് ചാരിറ്റബിള്‍ ട്രസ്റ്റാണ് സമ്മേളനം നടന്ന മുനിസിപ്പല്‍ മൈതാനിയില്‍ അഞ്ച് കൗïറുകള്‍ തുറന്ന് മുഴുവന്‍ ആളുകള്‍ക്കും ശീതള പാനീയം വിതരണം ചെയ്ത് മാതൃകയായത്. കത്തുന്ന വെയിലില്‍ മങ്ങാട്ടുകവലയില്‍ നിന്നും ഒരു കിലോമീറ്ററോളം പിന്നിട്ട് മുനിസിപ്പല്‍ സ്റ്റേഡിയത്തിലെത്തിയവര്‍ക്ക് ഏറെ ആശ്വാസമായിരുന്നു ഇത്.
ട്രസ്റ്റ് ചെയര്‍മാന്‍ ഹബി കാസിം, സെക്രട്ടറി മുജീബ് റഹ്മാന്‍, എക്‌സിക്യൂട്ടീവ് അംഗങ്ങളായ ബാബു. പി. സെയ്ത്, എ.ഐ. ഷാജി, എ.ടി. നൗജിത്, ബാസിത് ഹസന്‍, എ.എന്‍. നവാസ്, അനീഷ് റസാഖ്, അന്‍സില്‍ കരീം എന്നിവര്‍ നേതൃത്വം നല്‍കി.  നിര്‍ധന യുവതികളുടെ വിവാഹം ഉള്‍പ്പടെ നിരവധി ജീവകാരുണ്യ പ്രവര്‍ത്തനങ്ങളില്‍ അന്തീനാട്ട് ട്രസ്റ്റ് ഏര്‍പ്പെടുന്നുï്.